كن شكون م تكون/بقلم الشاعر المبدع/شعيب صالح المدكوري

كُنْ شْكُونْ مَ تْكُونْ

...

كُنْ لِ بْغِيتِي تْكُونْ

يُومْ تْحَاسَبْ فِيهْ

انْتَ يَا دَاكْ فَرْعَونْ

كْلَامْ خَالْقَكْ نْسِتِيهْ

فَاقَدْ عَقْلَكْ مَجْنُونْ

خَنزْ دَنْيَا جْمَعْتِيهْ

سَاكَنْ وَلَا مَسْكُونْ

حْقُوقْ نَاسْ كْلِتِيهْ

يَا ظَالَمْ عْلِيكْ دْيُونْ

بْنِتِي لَخْلَة عَلِّتِيهْ

فِ حْيَاتَكْ انْتَ مَفْتُونْ

نْسِيتِي لْهِيهْ خَرَّبْتِيهْ

فِ دُنْيَاكْ رَاكْ مَلْعُونْ

عْگُبْتَكْ لَقْبَرْمَ تْفَگَدْتِيهْ

فِ جَهَنَّمْ مَحْضُونْ

تْقَلَّبْ لِ اِفُكَّكْ مَ لْگِتِيهْ

شْكُونْ اِعَتْقَكْ ؤُاِصُونْ

لْيُومْ رَاكْ م تْفَكَّرْ فِيهْ

تْمُوتْ ؤُ انْتَ مَغْبُونْ

لَحْرَامْ كَوَّرْتِ ؤبغيتيه

رَاسَكْ عَامَرْ شْطُونْ

لَعْقَلْ لِ فَكّرْ وَدَرْتِيهْ

تْوَاعَدْ غِيرَكْ ؤُ تْخُونْ

نْكَرتِ لَحْلَالْ ؤُجْهَلْتِيهْ

كُنْ لِ بْغِيتِي تْكُونْ

غدا رَاكْ تَنْدَمْ عْلِيهْ

...

شعيب صالح المدكوري

تامسنا 19.02.2018