خليك لأحبابك
-------------
ممكن ترحمنى ؟
من عذابك من غيابك من عتابك
أبعدنى وخليك لأحبابك
فاكر يوم لقانا قلت إيه ؟
ولا يمكن أنت ناسى وأنا اعمل إيه ؟
قلت لك إنى غيورة
وأفتكرتنى صبورة
لا يا حبيبى بعدك عنى
ومعايا ذكراك تجمعنى
أفضل من عذابى منك
ويوماتى تفضل تخدعنى
وكلامك ليا أنا عرفاه
وكتبته لغيرى وشيفاه
وكأنك مدرسة بتعلم
كل ما قلبك يهواه
أتعلمت أنا درسك حفظاه
وخيالك عمرى ما حأنساه
لكن صبرى كتير وتعبنى
ولا يوم حأرضى ترجعنى
عيشتنى حلم جميل وياك
يا خسارة قلبى لسه بيهواك
لكن أعمل إيه وأنت حياتى وأملى
لكن ممكن أقولك
ممكن ترحمنى ؟
من عذابك من غيابك من عتابك
أبعدنى وخليك لأحبابك
بقلمى / أسامه على - السعودية
ليست هناك تعليقات:
إرسال تعليق