ادي ضهرك/بقلم الشاعر المبدع/سيد صادق

ادي ضهرك ...

للي باعوا و اللي خانوا ..

و اللي وقت الشده بانوا ..

و اللي بعد العشره كانوا ..

السبب ف قهرك

ادي ضهرك ...

للي حلفوا ميت يمين ..

ان دي السكه اليمين ..

و بعد اول خطوتين ...

ملعبش زهرك ...

ادي ضهرك ....

للي قال و عاد عليك ..

و جاب ف كل سيره ليك ..

و اللي كان طول الزمان 

بايعك و عامل شاريك

ادي ضهرك ....

للي طمعان ف دورك ..

و اللي نط و عدي سورك ..

و اللي... لو محتاج ... تملي 

يعمل نفسه جاي يزورك 

ادي ضهرك ..

سيد صادق