اه والف اه /بقلم الشاعر /جنرال مصطفى سبتة

اه ه ه والف اه ه ه

كلميني يا رصاصة ..

 كلميني وطمنيني؟؟

لما كنتي في قلب

 ابني.. اتوجع؟؟

طب كان بيبكي؟

؟ طب مات جدع؟؟

طب حس بيكي او اتصرع

و انتي داخله بكل 

قسوة تقتليه..

كنتي عارفة انك

 رايحة تحرميه

من حياته ومن حياتي؟؟

هوه كان اطيب ولادي..

كان يوماتي يبوس ايديه.. 

و يقرأ كل اللي في عنيه..

و كان بيقضي حاجاتي ليه..

كنت لما يوماتي اصلي..

ادعيله من كل قلبي..

يفضل طول 

حياتي سندي..

و بعد ما اموت 

يبقى لي صدقة.

بس انا عشت 

وهوه مات..

ارهاب خد عمره سرقه..

و ساب بموته 

في قلبي حرقه..

يا رصاصة.. هوه انتي 

حالفة تختاري الشباب

و بعد موتهم برضه حالفة

 تسكني جوه قلب الأمهات

كلميني يا رصاصة.

. كلميني يا رصاصة

لما كنتي في قلب

 ابني.. اتوجع؟؟

طب كان بيبكي؟؟

 طب مات جدع.....!!!

جنرال مصطفى سبتة