الحب معانا مظلوم
لافيه لوعه ولاهموم
ولافيه هجر ولا شجون
دا حلم ف عز النوم
الحب تملى جميل
حتى وف عز الليل
ممكن يجيب عصافير
وتغنى بلحن عليل
الحب مهوش أنانية
ولا حاجه اسمها ساديه
فى الحب الكل بيدى
وشويه عليك و عليه
الحب دا نور قناديل
وغرامو يشد الحيل
ومهما يقولوا عنه
ع القلب لحنو جميل
الحب أهو أخد ورد
وساعات ممكن تتشد
لكن مش واقفه الدنيا
ولا بينا راح تتسد
جرب بطريقه جديدة
والله شايفها مفيدة
إنك تتنازل حبه
راح تبقى حياتنا سعيدة
الحب مش دايما أخد
ولا حتى خيانه عهد
وكل ما تدى أكتر
هتنول ياحبيبى السعد
الشاعر سعيد عباس الضو
ليست هناك تعليقات:
إرسال تعليق