أنا حبى مات
باقلم الهام شحاتة
==========
قررت أنسى عشرتك
وسنين هواك
واهجر ثنايه محبتك
وحنين لقاك
أناكنت ورده مفتحه
وعبيرها فاح
فى المدى
دبلت بايدك وابتدى
يغتال براءتها ..الردى
أنا كنت شمعه منوره
بتقيد تنور ..
دنيتك
طفيت عيونها ..
بغفوتك
وقتلتنى برجع الصدى
أنا كنت لك ،،
كل الفكر
وكتاب كبير
لكن للأسف الشديد
ماعرفت تقرا كلمتى
قلبك دهب
لا..لا..للأ
قلبك صفيح
ولا كنت يوم فى هواك صريح
بتبيع فى قلبى واشتريك
خلتنى – لحظه ضعت –
واقول ياخسارة الحب الجميل
منك ..وفيك لأ ! !
جرحتنى ..وشكيت غرامى للسما
وف لحظة الندم الأكيد
طب كنت فين ؟
ودموعى بتّجرح خدود المجروحين
والقلب نازف م الحنين
لا توبه تنفع للظروف
ولا حتى خوف القلب نابع والكسوف
مجروح أنا
احساسى بيك اصبح خلاص
مضروب فى قلبى بالرصاص
أنا حبى مات
وحنينى للعشق الجميل –
أصبح روفات
*******************
أنا حبى مات
شعر الهام شحاتة
من ديوان ((مشوير التمنى ))
ليست هناك تعليقات:
إرسال تعليق