بقلم مصطفى رضوان
زجل مغربي
مولات التلفون
علاش سديتي التلفون
و خلليتي عقلي مشطون
ندي و نجيب كي المجنون
راسي عامر بالشك والظنون
زولتي النقاب و لبستي الطالون
الصويك احمر و الطباجون
زهات الدنيا بيك ياسمر اللون
و انا تالف بك عاشق مجنون
قلبي مغيار راه بك مسكون
يفدفد إلى رمشوا منك العيون
تابع خيالك من الدار الى الصالون
قالوها أهل زمان للجنون فنون
شريتي الطوموبيل و معاها الأيفون
النظرات سودا و أنغام الملحون
الفيلا واسعة و المسبح سخون
و أنا ف راس الدرب وحدي مغبون
الحفلات و السهرات بالمليون
نسيتي الفقر و طياب الكانون
سمنتي و تنفختي كيف البالون
و اليدين تنقاو من فريك الصابون
تكبرتي علي بزاف وليتي فرعون
نسيتي التنكاف و الحرورو الطون
مثلتي على بزاف أدوار الكرطون
دابة يسالي بولفاف و المنون
دابة ترجعي لدوار كالحلزون
تهزي رجل و تحطي رجل بسكون
مخفية في الوحل المسنون
تبكي زهرك و حضك الملعون
الصمت ياكل قلبك المحزون
لا صوت إلا صوت الريح
و الشتا خيط من السما كطيح
و السر في أحشاءك مخزون..
...........
.
ليست هناك تعليقات:
إرسال تعليق