العطار
******
عطار وببيع عطارة للحب
اللي يشتري منها ياهناه
عندي حبوب شفا للقلب
تخلصه م اللي جواه
عطار انا عطار
وزينة العطارين
**************
ياعطار من ده وده اديني
ده انا قلبي داب وطب
وامانه عليك ترقيني
من حاسدين الحب
عطار انا عطار
وزينة العطارين
***************
عطار وعطارتي محليه
مش موجوده عند حد
ولا في الحسين ولا في الغوريه
ولا في السيدة ولاشارع السد
عطار انا عطار
وزينة العطارين
****************
عندي مسك وورد وعنبر
وريحه مريحه اصلي
وعندي سكر نبات
يروش العاقلين
ويجوز البنات
عطار انا عطار
وزينة العطارين
****************
عطار والشهره سبقاني
تعالوا ياحلوين
اللي ناوي واللي غاوي
واللي عاوزه كحل العين
عطار انا عطار
وزينة العطارين
****************
تعالي يازينه ياحوريه
يالابسه الخلخال
والطرحه المحلاويه
ياشاغله العين والبال
عندي اللبان انواع وانواع
لبان دكر يخلي العجوزه صبيه
عطار انا عطار
وزينة العطارين
****************
عطار وعندي خد الجميل
ومافيش مني اتنين
تعالي عندي ياجميل
وصلي علي النبي الزين
عطار انا عطار
وزينة العطارين
*****************.
عطار وعندي حنه بلدي
للعايقه بنت بلدي
تاخد منها وتدعيلي
وتوزع منها ع الجيران
عطار انا عطار
وبينادوني بشيخ العطارين
*****************
بسيوني صديق
ليست هناك تعليقات:
إرسال تعليق