.............بكون معاك.........................
ف حاله حلوه من الخيال مفيهاش سواك...
بشيل عبايه الدنيا عني
وبحس روحك جوه مني
واحس اني بين ضلوعك
رغم انك مش هنا ورغم اني مش هناك..
بعيش معاك
كل احساس في الوجود
وبروح لدنيا من الخيال
واوصل معاها للخلود
واعيش هواك
وبحس اني بلمسك
وبكل زره شوق ف قلبي بحسسك
انا نفسي اعيش عمري ال باقي اونسك....وانول رضاك
بعيش معاك
احساس غريب
وجرح بعد سنين يطيب
وعشق رغم انك مش هنا لكن قريب
وبروح بتهرب من جسد سيباه غريب
وتروح لعندك تحضنك وتقول حبيب
عمري فداك..
بكون معاك
زي النسيم وقت الغروب
وبقلب رافض عن خيالك يوم يتوب
وبحس اني بقيت علم عايش كده فوق القلوب.
انا بعشقك وحالف لقلبي ادوقك طعم الهروب
انا بعشقك لو كان هواك ليه انا كل الزنوب
هفضل معااااك..
معاك بكون...
وبنظره واحده من العيون الموت يهون...
وبعيش ف لحظه من الخيال سمعاك سكون..
عيشاك نغم سمعاك حنين بين الغصون..
عشقك جنون. عشقك جنون
عشقك جنووون
سالم ابو موج
ليست هناك تعليقات:
إرسال تعليق