يا امايا ضمينى لحضنك
طبطبى عليا .. انا موجوع
حبيبى سبنى فى دنيايا
وعنيا مليانة دموع
مشى يا امايا ولا سلم
وكان وسط ليلي شموع
يئن قلبي الآه من حزني
بصرخ بصوت مسموع
مبلومش عليها دى ف دمى
بلوم علي فرق قلوبنا ..
وقال ملكش لدنيا الغرام رجوع
خلاني أبكى واتألم
وجرحي بينزف من همي
مبقاش لشجرتي فروع
ماتت أغصان حياتي
دبلت مالآه عيوني ..
زادت بالليل شجوني ..
فارس كنت أنا وعاشق ..
حكموا بموت قلبه بين الضلوع
أوتار القلب جفت ..
من وجعي للحزن عزفت ..
وغنت آهات لهيبي
لحضنك يمايا ضميني
طبطبى عليا انا موجوع
بقلم:-
عبدالعظيم كيلاني دحروج
ليست هناك تعليقات:
إرسال تعليق