قد تكوني
قد تكوني صورة
رسمت في خيالي
او تكوني حلم
عايش من خلالي
او امل
بيعيش علشاني
او كلمة حلوة
ينطقها لساني
لما شفتك
غيرت نفسي
وابتسمت الدنيا
امامي
وابتديت احلم بقربك
واروي قلبك
من حناني
وانسي روحي
وانا جنبك
والنوم جفاني
وابتديت اشوف خيالك
كل يوم يحضن خيالي
وابتديتي تسمعي كلمة
احبك من لساني
وابتديتي تحلفي
بحبي وبجمالي
وابتديتي تفكري في
كل كلمه من كلامي
وتنتظري دايما حضوري
وتنتظري حتي سلامي
كنتي طول اليوم
في قلبي
وبالليل بطلة منامي
ولو مرة غفلت عنك
كان زماني بينساني
احلي حب كان ليكي
احلي وقت في زماني
واتعاهدت افضل احبك
مهما زماني اذاني
او اعيش في
حضن قلبك
وتكتب قصة غرامي
اي حب لغيرك انت
يبقي اسمه حب فاني
هفضل انظم
شعري فيكي
وابتدي اعمل اغاني
للعيون السود هغني
وللخدود هغني تاني
وبالشفايف اختم لحبي
ويكون لاقاكي
اغلي الاماني
يوم فرحنا يا حبيبتي
هبتدي اقبل تهاني
.......
رضا ابو شنب
مصر
ليست هناك تعليقات:
إرسال تعليق