قصيده بعنوان....... كل يوم
كل يوم بتزيد حلاوه
كل يوم أمرك عجيب
قلبى حبك وإستحاله
إنه يوم عنك يغيب
..................
حس حالى وإنشغالى
يااللى ساكن ف العلالى
بص بصه ريح بالى
نفسى أكون منك قريب
..............
القمر غار من جمالك
والنجوم سارحه ف دلالك
والعزول ماله ومالك
بكره يرضا ب النصيب
..................
عمرى يوم ماأكون لغيرك
قلبى من زمان أسيرك
أستحاله يوم أسيبك
كنت بحلم بيك حبيب
....................
مهما قالوا او لمونى
انت برضه حبيب عيونى
وف غيابك زاد جنونى
اوعى يوم عنى تغيب
..................
كلمات الشاعر محمد ثروت عبدالحفيظ
ليست هناك تعليقات:
إرسال تعليق