روائح من الزمن الجميل
أحكم يا هوى .....
..........................
أحكم يا هوى
حكمك علي قلبى ماشى ...
انا قلبي بيك موجوع
وبرضه ما استغناشي ...
أمرى وأمرك سوى
صفحة فى كتاب مكتوب
ومهما حتقسي علينا يا هوى
عمر القلوب ما تتوب
دا الحب قسمه ونصيب
وله ميعاد معلوم ...
وسهم الهوى ما يخيب
والسهم دا مسموم ...
أحكم علي قلبي بأحكامك
أنا قلبي بيعشق أيامك
أملك أيامى وأحلامى
دانا قلبي بيعزف الحانك
واللي فى هواه مسعود
ليله فى مغنى وعود
واللي فى هواه حيران
بين النجوم سهران
ينادى على اللي ظلمه الهوى
واللي حبيبه جفاه
يشكى ليه غربته
وبرقته ناداه
تعالى يا هوى يا هوى ...
يدوم معاك فرحنا
والدنيا تضحك لينا
تعالي يا هو يا هوى
ندفى بيك فرشنا
ونروي بيك أمانينا
تعالى يا هوى يا هوى ...
نعيش معاك عمرنا
وننسي ما ضينا
البعد يهجر عشنا
والشوق ينادينا
الله الله علي حبنا
الله الله يا سلام ...
دى حقيقه مش احلام
الله الله يا سلام ...
حيعيش مع الايام
الله الله يا سلام ...
يا رب طول بيه عمرنا
ما يمر منا قوام
ويفضل حبنا
عايش في حضننا
ويكبر مع الأيام
محمد صلاح حمزه
ليست هناك تعليقات:
إرسال تعليق