دموع التماسيح
من غير دموع يلا ارحلى مش ناقصه كدب
خدتينى جوه بحور غريقه بإسم حب
مثلتى دور العاشقه صادقه للنهايه
كدابه عشتى الغش كله بطعم صدق
والوقتى جايه بدمعتين متأثرة
يا سلام على الجبروت ده جايه باى حق؟؟؟؟
فاكره إنى هركع للعيون السود اوام؟؟؟
وارجع واطوف يا حبيبتى حوالين المقام؟؟؟
لأ ده المقام ده انا اللى عامله وبإديه
انا اللى لى الحق بإشارة اهد!!!!
لمى اللى باقى من كرامتك وبهدؤ
دارى دموعك قبل ما يلمحها حد!!!!
لساكى ليه مستغربه؟؟؟؟؟
ده دين ولازم تفهمى قلبك يسد!!!
لأ هى كلمه واعمليها كمان حجاب
انا قلبى مش مأمور بامرك ألف لأ!!!!
وقتك خلص يلا انزلى بتتر النهايه
أكشن ويلا ابتدى تانى الحكايه
كلاكيت لاخر مره قلبى مستعد!!!
سايبك خلاص عدى الضحايا المغدورين
يلا احسبى عارف يا حلوة ما ليها عد
بس اوعدك م اليوم خلاص ما هكون حكايه
ولا هتوجع ولا دمعه يوم تلمس لى خد!!!!
بقلمى/اشيماء محمد ربيع
ليست هناك تعليقات:
إرسال تعليق