بِتوحَشِينى
كل لحظه بتوحشينى
حتّى لو شَايفاكى عينى
إسألى نظرة عنيكى
تحكى ليكِ عن حنينى
إسألى قلبى اللّى حبّك
إسألى عُمرى وسِنينى
إسألى تانى عيونك
لَمّا بِتنَادى تلاقِينِى
إسألى حتّى النجُوم
إسأليها كل يوم
قد إيه الشُوق مَلِينى
إسألى عقلى وبَالى
مِين شَاغلهم بالليالِى
إسألى دمعة ف عينى
إسألى قلبك كمان
إسألى ف كُل مكان
ولاّ أقولّك ... إسألينى
عشَان أقولّك ..بتوحَشِينى
بقلم / سيد عبدالوهاب
ليست هناك تعليقات:
إرسال تعليق