**راس الخيط **
بيمرق ليل بكتف الليل
وطيفك سهران قبالي
بفضي المليان من الكاس
وفيك بدور على حالي
ولحظة بمسك راس الخيط
الفكرة بتهرب من بالي
بندب حظي وآه م الحظ
متله متل هبوب الريح
يزيد ولوع النار ولوع
وهوى الليالي ليالي
وبين الجزر وبين المد
برجع لﻷول بالعد
بهد جبال الما بتنهد
وبنزل لتحت العالي
وليبقى راسك مرفوع
يا قلبي و صوتك مسموع
حطوا إشارة ممنوع
بين السابق و التالي
وانت يا قلبي طماع
طبعك من أجودالطباع
الكل اشترى فيك وباع
و بعدو نبضك بالعالي
ناصيف شرباجي /سوريا
ليست هناك تعليقات:
إرسال تعليق