ملحمة شعب
------------
ليه بتبكى وأنت طفلة ؟
دموعك ليه وفين الضحكة ؟
أصل بابا أستشهد ومش راجع
أقول لمين يا بابا ومش سامع ؟
----------------------------
وأنت يا أمى ليه بتبكى ؟
سلامتك فداكى روحى وقلبى ؟
أبنى أستشهد ودا كان وحيدى
كنت لما أمشى بيمسك إيدى
------------------------------
وأنت يا والدى مالك حزين؟
فين بشاشتك ووجهك الجميل ؟
فينها البشاشه وأبنى شهيد
عاجز وعايش بحياتى وحيد
------------------------------
وأنت يا أختى فى همومك غرقانه
إيه إللى حصل لك باين تعبانه ؟
أشتشهد أخويا سندى فى حياتى
أبن أمى وأبويا وشريك آهاتى
-------------------------------
وأنت ياجارتى ليه الحيرة
دا أنت معانا أفضل جيرة
أستشهد زوجى وأبنى رضيع
من بعد وفاته حاسه إنى بأضيع
-------------------------------
قولوا لى .................
قولوا لى ياناس و فهمونى
ماذنب شهيد بلدى عرفونى
ناس بتصلى أو تحرس أرضى
ليه يغتالوا ويحصدوا عمرى
------------------------------
لكن حالفين ................
لكن حالفين وحياة ربى
ماتنزل دمعه على خدى
إلا ما أخذ بتار بلدى
والأرهاب ما يوم ح يعدى
-------------------------
دى ملحمة شعب بتسكن قلبى
بقلمى / أسامه على - السعودية
ليست هناك تعليقات:
إرسال تعليق