قصيده بعنوان........ جيشنا أملنا
شوفوا غباء إبن المهبوش
قتل إولادنا ب الخرطوش
ناس ف الخسه مايتوصوش
جماعات واهيه ك الفنكوش
نابهم أزرق ساكنوا البور
حفروا فى سينا بيوت وجحور
عاشوا فى ضلمه مشافوا النور
يضرب ضربته زى التور
ندل وجاهل سار مغرور
كله بيلعب ع المكشوف
والأخلاص بقى مش مألوف
ولسه ياصاحبى ياما نشوف
ناس فكرها دايما معروف
ولا ف إيديها غير مولوتوف
سينا بلادنا ضى عنينا
أغلى مكان ف الدنيا علينا
محتاجه نبنى نعمر فيها
ده الأوباش رعبوا أهاليها
كل يومين وشهيد بيروح
أمن بلادنا مش مسموح
بقى يتعبنا كتر النوح
عايزين همه نداوى جروح
جيشنا أملنا ياسند وضهر
أمانه عليك لترد المهر
حق بلادنا كله عليك
وإحنا نساندك ونقويك
والله ماترضى نعيش ف القهر
كلمات الشاعر محمد ثروت عبدالحفيظ
ليست هناك تعليقات:
إرسال تعليق