قصيده بعنوان... أنين الروح
أنين الروح ياحبيب الروح
بيحكي لك أنا المجروح
بقالى سنين فى شوق وحنين
ولا قادر بحبى أبوح
يفوت عمرى ولا بنساك
وحلم العمر سايبه معاك
وأنا العاشق ليالى هواك
وقلبى معاك لفين ماتروح
يكفينى نظره حنيه
أشوفها منك بعنيه
لو حتى كانت مش ليا
راح تشفى فيا أى جروح
ياملاك حياتى وأحلامى
يافرحه غايبه ف أيامى
ياما نفسى أشوفك وأحكى لك
على جرح قلبى وأشكي لك
وأمسح دموعى وأنادي لك
أرحم فؤادى المجروح
يا أبو قلب كان دايما آسى
أنا عمر قلبى ماكان ناسى
وهواك بيسرى جوه الروح
وهواك بيسرى جوه الروح
كلمات الشاعر محمد ثروت عبدالحفيظ
ليست هناك تعليقات:
إرسال تعليق