إنتَ زي البحر طاهر
الشاعر / إبراهيم فاضل
بالعامية المصرية
================================
إنتَ زي البحر طاهر
إنتَ زي الفجر نسمة
إنتَ همسة
نور منور كل عابر
إنتَ أحلامي اللي مش قادر أوصف تاريخها
إنتَ شاعر
كلك مشاعر
زي نور الصُبح في اليوم الجديد
وزي الورد لمَّا يسلم ع الندى
كل يوم أشوفك يبقى عيد
إحساسي بيك فوق كل وصف
نور بزوغك ع الجبل
وفي السهل
سابح في حبك
يا شمس في لون الدهب
يا ابو العيون متكحلة
اسمك هنا
منقوش في قلبي بيناديني
من يوم مولدك
مكتوب حبيبي
وعرفت سِرك
ونسجت للروح يقيني
صفحة ومراية لحياتي
باشوفك بروحي
وتهل علينا كل البشاير
انت زي البحر طاهر
===================================
بقلمي / إبراهيم فاضل
==================================
ليست هناك تعليقات:
إرسال تعليق