(لما بشوفك)
***********
لما بشوفك واقف جنبى
بيكون عندى يوم العيد
والمح طيفك يفرح قلبى
والاقى خيالى ياخدنى بعيد
ولما بتبعد عنى ب الاقى
البال مشغول والفكر شريد
والاقى الفرحة بتهرب منى
والاقى النار ف القلب تقيد
واقول امتى هيسال عنى
وامنى القلب بلمسة ايد
ولما تقرب منى ياغالى
ب اشوف الدنيا بشكل جديد
ب اشوف الدنيا بلونها الوردى
وكل مافيها فرحان وسعيد
ويحلف قلبى يوم م يشوفك
بيكون عندى يوم العيد
مجدى زيادة.
ليست هناك تعليقات:
إرسال تعليق