عشمتني بالحلق
عشمتني بالحلق خرمت انا وداني
هاتبقي ملياردير. يمكن يكون ف ثواني
هانبعتلك كام مليار. هايجولك لحد الدار
بس احنا مزنوقين. يااخينا ف الف دولار
والالف دول عايزينهم. رسوم. شحن لزينهم
وزينهم يبقي وسيط. وواحد برضه منهم
قولت لنفسي. ياهوو. انا برضه واد حويط
لو سمعت كلامهم. هايتقال عليا عبيط
ايه يعني. الف دولار. وأخد فلوس ف غبيط
ولاني واخد بالي. قولت لأ. ياخوانا
لازم اشوف دولاراتكم. قبل ما تاخدوا مالنا
ردوا عليا وقالوا. ماشي احنا موافقين
هانبعتلك دبلوماسي. معروف وشخص امين
هو هايتصل بيك. واحنا فيك واثقين
تعطيه الفين دولار. وتاخد الملايين
قولت يافرج. الله. وبنيت قصور احلام
هاصبح. VIP والناس تضربلي سلام
وامشي معايا حراسه. وعندي كتير خدام
واتجوز كمان اتنين. زياده ع المدام
واعيش ف الفورسيزون. وف احسن فندق انام
وف يوم بصيت ولقيت مكالمه جاتلي تاني
بيقول انا ابوبكر. ف الفندق الفلاني
بسرعه هات دولاراتك. لأني مسافر تاني
قولت ابص ف جوجل. وابحث عن النصاب
لقيته نصاب كبير. ع الفيس. عامله حساب
روحت باعتله رساله. لصوره ليه منشوره
وقولت رايك ايه،؟ ف المكتوب ع الصوره
بصيت لقيته. ماردش. وراح عاملي. بلوك block
وعاملي حظر كمان. ع المسينجر توك. Talk
قولت يابن الكلب ياحرامي يانصاب
دانت طلعت حرامي. وطلعت. كمان كداب
ما لقتش غير المصري. تضحك عليه بحساب
خدوا بالكم منه ياناس. وحذاري م النصاب
بيلعب ع الطماع. لو فتحله. الباب
وهبه البوهي
ليست هناك تعليقات:
إرسال تعليق