وشايل الهم من صغري وحملي تقيل
وحملي تقله على ضهري يهد الحيل
وانا صابر
مع اني تعبت مش قادر
وبتحمل وقول لكل شىء اخر
وصبر جميل
وقول دا نصيب ومتقدر
ألاقي الهم ذاد اكتر
ويجي الحزن من بدري
وفرحي ديما متأخر
شربت الذل كاس ورا كاس
شكيت ولا حسوا بيا الناس
منش عارف دا من طيبتي
يا اما انعدموا م الاحساس
وبضحك حزن من همي
وفيا انحرق دمي
وعمري ما وقعت ف يوم
وشوفت حد بيسمي
انا مظلوم من الأيام
وبحلم بس حلمي حرام
وليلي عايشه في نهاري
منش عارف ولا اصحى وانام
وماشي وسكتي عاميه
وروحي عن الفرح صايمه
وامالي ف بحور عايمه
بتتعلق في قشايه
لا لاقيه بر ولا مرسى
بتحلم حتى بنهايه
ولو في القاع عشان ترسى
يا ناس انا همي جوايه
رصيده بيعلى في البورصه
بلبل طلعت عثمان
ليست هناك تعليقات:
إرسال تعليق