ولا تخافي
أنا جنبك في كل مكان. وباسقيكي الحنان ألوان
محاوطك.. قلبي يحميكي. يعيش بيكي في أحلي زمان
...
أنا جنبك يا أحلي الناس. طوفان الحب. والإحساس
أنا معاكي سكنت جنان. باشوف فيها الدهب والماس
...
وتسقيني الهنا صافي
ولا تخافي
...
علي قلبي الأمل مختوم. لآخر يوم في أيامي
وفي عيوني الكلام مرسوم. وطيف مكتوم في أحلامي
...
وجمرة نار.. وحرماني. وهمسك... صوتك الحاني
تدوبي ف قلبي ويايا. وتيجي تاني من تاني
...
وتتحسي... وتتشافي
ولا تخافي
...
باحبك. قربي مني. وحبي. وافرحي. وغني
وقاسميني في أحلامي. وسافري ف روحي. واتمني
...
وفرحي ف قلبك الوافي
ولا تخافي
...
في ليل الشوق يمرجحني. صدي صوتك.. يفرحني
أنادي لك.. يغيب عني. كإنه جاي يجرحني
...
تمللي قلبي يهواكي. يا ساكنه القلب يا ملاكي
في قربك قلبي بيغني. ومن بعدك أنا شاكي
...
ومش ممكن أكون جافي
ولا تخافي
...
أنا والليل ونور عمري. بنفرح بيكي يا قمري
يضيع منا الزمن كله. وما اعرف أمره من أمري
...
وانتي زي ما كنتي. كلامي. وضحكتي. وصمتي
تروحي. مهما ح تروحي. لروحي. دنيتي إنتي
...
شراع قلبي. ومجدافي
ولا تخافي
...
ومين غيرك في آلامي. بيحضن صرختي. ويبكي
ومين غيرك بيرسم لي. رنين فرحي. ولون ضحكي
...
لمين أشكي وانا ليكي. باعيش. والقلب ف ايديكي
يعيش بيكي.. يدوب فيكي. وطول الوقت يحميكي
...
ويرويكي الحنان دافي
ولا تخافي
...
غرامك مهما علمني. وقلبك مهما كلمني
أنا عمري ما اغيب عنه. ولا عمره يروح مني
...
ولا تخافي أنا موجود. أنا ليكي حرس وجنود
أهد جبال.. واعدي حدود. عشان أحرس عينيكي السود
...
وانا فوق الكلام عافي
ولا تخافي
...
شعر / خالد محمد
ليست هناك تعليقات:
إرسال تعليق