زمن غريب
كله ياقلبى كلام فى كلام
مبقاش فى حب ولا غرام
كله خداع وضياع ووداع
كله صداع ووجع والام
فين حب رميو لجوليت
فين الحلم بأجمل بنت
فين الحنية الحقيقية
والتضحية لو حبيت
احنا حقيقى زمنا غريب
صبح الحب اكيد تعزيب
ازاى حبك يجرح قلبك
او يبعد عنك ويغيب
بقت الدنيا ماشة شمال
حب كلام ومافيش افعال
والحب الصافى المتعافى
اصبح حافى ملهش نعال
كله خلاص بيعشله يومين
قصص الحب بقت سطرين
ايه يخلينى الف وادور
على شئ يخلص فى دقيقتين
ومدام الحب صبح ينداس
لاء بطلنا الحب خلاص
وبكل صراحه تركنا الساحه
تنزل تلعب فيها الناس
جنرال مصطفى سبتة
ليست هناك تعليقات:
إرسال تعليق