عيد ميلادك يا حبيبى نور بيسرح
خلى كل الكون معايا الليلة يفـرح
والقمر عمّال بيســـأل مين حبيبك
اللي نوّر كون بحـاله بنور جماله
قلت هو البدر لمّــــــا يكون كماله
هو أحلامي اللى جيه موج بيسبح
عيـد ميلاك دنيا تانية ليها شـــوق
لمـّا هــــــــــــــــــــلّ في يوم عليا
بـدّل الضلمة شـــــــــــــــــــــروق
يوم ما شـــــــــــــــوفتك يا حبيبي
وأنت بلبل في السما عمال بيصدح
عيدك ميـلادك يا حبيبي أحلى جنة
في احتفالك يا حبيبي الــورد غنى
وزين الأرض الجميلة بأحلى حنة
والحياة صبحت عشانك زي مسرح
اللى واقف لأجل خـــاطرك بالهدايا
السما باعتالى نجمة ليك معــــــايا
والبحر بيقولى هاتوا يعيش حـدايا
ليلة أجمل من ليالى العمر وأفـرح
عيد ميلادك كــــــان شهادة للحياة
يوم مــــــا قلبي حب قلبك واشتهاه
أنت أجمل شئ في عمري ومنتهاه
بُعدي عنك يا حبيبي شئ بيجـــرح
عيد ميلادك يا حبيبى نور بيسرح
خلى كل الكون معايا الليلة يفـرح
الشـــــــاعر / ناصر عبد المقصود
ليست هناك تعليقات:
إرسال تعليق