بهيه و ياسين
.................
يموت فينا الحنين و الحب
و هما لسه صغيرين
تدبل شفايف زى الورود
كانوا ف يوم متفتحين
و تسيل دموع زى المطر
من ننى عين المجروحين
ليه دا حصل مين السبب
إيه الجواب محناش عارفين
يمكن قمرنا جه و زارنا
مالقاناش يوم سهرانين
ولا قدرنا ف يوم امرنا
نعيش حياتنا محرومين
و مستنيه عيون بهيه
يرجع ياسين بالذكريات
و زى عادته يغنى غنوه
او موال مليان آهات
تقعد يوماتى تحت شجره
تستناه كدا بالساعات
مسكينه والله عيون بهيه
متشوقين يرجع ياسين
بس مات املك يا بهيه
او ياسين المهم انه مات
..................................
محمد مكاوى
عضو رابطة الزجالين وكتاب الاغانى
ليست هناك تعليقات:
إرسال تعليق