الم الفراق
تنسى الهموم تطوى الأوراق
لكن المرارة فى ألم الفراق
تبعد عن الناس الأحباب
وتروح تسافر عشان غلاء
تهجر قلوب أهل وخلان
من اجل عملك وكسب المال
تكوين فى أسرة ومال وعيال
والدفع يبقى فى راحة البال
ومهما بتزيد فى اشتياق
لاشىء يعالج ألم الفراق
تنسى الهموم تطوى الأوراق
لكن المرارة فى ألم الفراق
الموت بيسرق اى حبيب
فى ثانية واحدة يروح ويغيب
صاحب وأب وعم كمان
يموت وتشعر بالتوهان
ومهما تحاول فى النسيان
فقدت راجل كان إنسان
وذكريات بتعيد أشياء
ولا شىء يعالج ألم الفراق
تنسى الهموم تطوى الأوراق
لكن المرارة فى ألم الفراق
بنتك وابنك كبروا معاك
ويتجوزوا وينسوا ذكراك
ويهاجروا يعنى يسافروا بلاد
والقسوة ناتجة من البعاد
زمان وكانوا كده أطفال
كنا بنلعب ليل ونهار
دلوقت ده سابونى محتار
فى فراق وحيرة وجنة ونار
وذكريات بتعيد أشياء
ولا شىء يعالج ألم الفراق
تنسى الهموم تطوى الأوراق
لكن المرارة فى ألم الفراق
ومهما تحكى تعيد وتزيد
لاشىء يعالج فراق حبيب
خيالها كان هو الإلهام
والعشق فيها يزيدني هيام
وحلمت بصلاح الأحوال
وأجيب لها خاتم سليمان
وسافرت اطوى فى الأمواج
عشان أحقق فى الأحلام
وتركتنى يعنى فى شوق وعذاب
وسابتنى وحدى وأنا عالباب
وذكريات بتعيد أشياء
ولا شىء يعالج ألم الفراق
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق