=====لاااا =========
قصيده اسمها لا
من ريف في قلبه الفلاحين
زارعين براح
فدادين انين
من ريف في فلب الدلتا ساكن مستكين
النيل سقي
زرعه المزهر بالحنين
شبعااان شقا
لجلن يوفر لقمته للمرتاحين
بكتب واسطر كلمتي
يمكن في يوم توصل لهم
كل اللي بتمناه
ان صوتي وكلمتي
تصبح رصاصه في قلبهم
يمكن يفوقو وبفهموا ان احنا منهم مستائين
ياكل قواد العرب
لو تسمحوا اسال سؤال
هو انتو مبن وانتم منيين
مانتوش عرب ولامسلمين
مابتشعروش ليه بالشعوب
متشبسين ليه بالعروش
اما انتو بايعين القضيه
ومشاعر الخلق اللي حاميه
عرشكم ماتهمكوش
حكام فاشوش لابسين وشوش
علينا زعما
فرساااان وحوووش
وان يوم باراك منكم زعل
مابتناموش
واميركا صبحت ربكم والجنه هي البنتاجون
تقول شمال يبقي الشمال هو الهدف
تقول يمين
تلفوا دوغري مغمضين
وانتممممم
انتم ياحكامنا رسل
واحنا اللي جهلا ومذنبين
واحنا اللي بيعنا بادينا البلد
واحنا اللي دمرنا بايدنا الاقتصاد
واحنا اللي ربينا الفساد
واحنا اللي امنا
فراخه في العشوش
حكام فاشوش
تجار لصوص
بيخافوا بس
مايختشوش
وانتم ياسكان الوطن يامواطنين
ياامه مذهبها الغني والسلطنه
انتم حياري ليه كده ومستغربين
بتمني لو يوم تغضبو تتعصبو
او يوم تحاولو تفهمو
تتكلمو تتالمو
وتقولو لا
ياشعبنا يامستكين
اقلع هدوم العولمه
وارفض تطاطي وتتركب
وارمي اللجام
وارفض سلام
غارز سنانه في جتتك
وارفض قانون البلطجه
من الامريكان والانجليز
ابوهاشم (فرج فرج السقا)
ليست هناك تعليقات:
إرسال تعليق