اقراء فنجانك
اشرب فنجانك وادينى
حظك منحوس
يا نور عينى
عملك معمول
وعامل ازمة
ولو هتفكة
ملوش لازمة
حظك ملفوف
ومتعقد
ولو تفكة
هيتكركب
بس هقربلك فكرة
انك يا غباوة
مليك لازمة
القدس محاصرة
و محصورة
وانت بتشربلى
كمان قهوة
وعايز تعرف
حظك ليه
منحوس من يومك
يا ابن الايه
وعملى سياسى وتتكلم
وانت لا بتفهم
ولا تتألم
غير بس شوية
شعارات
مكتوبة فى جرنال
ومزخرف
بدم غلابة
ومجفف
ارحمنى يا عايش
وقلبك مات
واحساسك بقى
شبة سكات
وحرارة دمك
بردت ليه
والنخوة ماتت
مع باشا وبيه
و نفسك اقرالك فنجانك
منحوس و ياريتك
ميت فى مكانك
جنرال مصطفى سبتة
ليست هناك تعليقات:
إرسال تعليق