عن الإعلام اتحدث
@@@@@@@@
عايزنى اطبلك اغنينى
أصله دا مبدأ ف حياتى
ولو بالدولار راح تدينى
هدوس معاك انا على غيرى
*****************
وإن كان ع الحق مفيش غيرك
لو ترمى الحب أنا طيرك
أنا جيبى محشور بفلوسك
والبطن أهى كبرت من خيرك
على حلم فلوسك وشيكاتك
بسهر وبفكر لك في حياتك
*****************
ياغالى فى قلبى ياسيد الكل
اجدعن كده واسقيهم الذل
ومهما هتقسى أنا برضه هقول
الغالى بيراعى مصالحنا
واحنا ياناس محنش فاهمين
*****************
مستنى فيلا في تجمع
لو حد شافها هيدمع
ادينى عقدها وأنا ألمع
وصوتى للمريخ هيسمع
وأوصف جمالك وزيادة
***************
ياعينى لو تجبلى عربية
ماركة مشهورة ودولية
أعملك برامج دوريه
من تسعة لحد الفجرية
واتلقى تليفونات كالعادة
***************
وأنا أصلى إعلامى مشهور
أعرف أظهر ناس للنور
وارتب الأحداث بالدور
ونحط فيديوهات بزيادة
سعيد عباس الضو
ليست هناك تعليقات:
إرسال تعليق