يا ريت كل واحد يعيش انسان .
يسمع كلمة الشاكى.
و يحن لدمعة الباكى.
يحاول
يرسم على كل الوجوه بسمة.
و يبدل حزن الحزين فرحة .
يعيش زى الشجر،
يرمى ضله على كل عابر سبيل.
من غير سابق معرفة،
من غير اى شىء،
على الصداقة دليل.
يعيش زى الورد،
عبيره لكل الخلق.
من كل جنس و لون،
وعرق و دين .
يعيش زي السما،
خيمة زرقا لكل الناس.
يعيش زى النيل،
يرمى خيره على الضفة.
لاجل ما تطرح الارض،
لاهلها فرحة.
يعيش فى كل زمان.
يعيش فى اى مكان.
يعيش انسان.
الشاعر العجوز
مرقص اقلاديوس
ليست هناك تعليقات:
إرسال تعليق