قصيده بعنوان/صرخة الاقصى
بقلم الشاعر القدير /Yasser Sharaf
قصيدة صرخة الاقصى
============
فزعت مرة في عز النوم
علي صرخة جامدة تهز الكون
وسمعت صوت بيستغيث
يقول هاتوا لي جيوش وبوليس
وشفت جسمه قدامي
بينزف بشدة وبكاني
ويقول غيثوني يامسلمين
بيقطعوني وأنا الجريح
وينادي فارس باسم الدين
فينك حبيبي ياصلاح الدين
يوماتي ينتهكوا الحرمات
ويدنسوا كل الباحات
بيحفروا من تحت كتير
يهود فلاشا ومتطرفين
وبيبحثوا من برضه زمان
هيكل ومبني لسليمان
وبيقسوا لازم يلاقوه
والاقصي ممكن ده يهدوه
وكله يعني باسم الدين
حيدمروني يامسلمين
الدفة مالت لصالحهم
وبتتقاتلوا برضه لصالحهم
وبيتفرجوا راضيين ضاحكين
علي خيبة صابت المسلمين
بدل ماتتوحدوا باسم الدين
وتحرروا قدس فلسطين
بيشتتوكوا شمال ويمين
داعش وقاعدة ونصر الدين
ومنكوا فيكو متحاربين
اكراد وشيعة وسنيين
والفتنه سارية كالسكين
تقطع اواصر المسلمين
عراق وسوريا وليبيا كمان
سودان ومصر واكيد لبنان
البوصلة لعبوا في اشارتها
وحولوها لناحيتنا
حتي العيون بقوا حولانين
يضربوا في مصر ويسيبوا اسرائيل
ويقولوا جماعة بيت المقدس
ويفتكروا مصر بيت المقدس
امتي تفوقوا يامسلمين
وتحرروا قدس فلسطين
واصوات كنايس دي في حطين
بتقول غيثوني يامسيحين
صرخة في حلقي ومبحوحة
رقبتي سايحة ومدبوحة
الاقصي هو رمزالدين
وحينقذه ده صلاح الدين
ماهو العدو هو اللى صنعكوا
ولحد امتي حيصرعكوا
وبصورة سهله وحصرية
لو عملوا يعنى احصائية
هتلاقوا قتلي المسلمين
اكثر من تعداد اسرائيل
ولاشفنا مرة في عهد قريب
مفخخه ده في تل ابيب
لكن بلادنا العربية
يوماتي شاهدة ومهرية
ويموتوا يعني المسلمين
بتخطيط صهيوني في اسرائيل
ولو اتحدتوا يامسلمين
بجماعات كتيرة باسم الدين
لكنتو فرسان بالملايين
وحررتوا بقي قدس فلسطين
وطهرتوا المسجد الاقصي
من ايد خبيثة بتستقصي
باصرخ فى صرخة تهز الكون
غيثونى بالوحدة وبالعون.
مع تحيات الفقير الى الله
ياسر شرف
كبير محررين مترجمين
بقطاع الاخبار- الاذاعة والتلفزيون
أعجبنيعرض مزيد من التفاعلات
ليست هناك تعليقات:
إرسال تعليق