،،،،،،،(مصرباقية)،،،،،،،،،،
لفوا ديما كل ساقية
فجروا فينا الكمين
مصر باقيه مصر باقيه
رغم ايدالمعتدين
مصر وحده إيدها واحده
الشمال جنب اليمين
المسيحي جنب مسلم
إيد ضد المجرمين
مهما ايد الشر طالت
مهما كان للدم مين
دم مصر دم واحد
دم جرجس أو أمين
البلد مهما شافت
مش هتبقى حتتين
رغم نظرة كل شامت
رغم ظلم الحاقدين
ربي قال في كتابه ثابت
مصر بلد الآمنين
مهما كان الدم هابط
زرعة في قلوب السنين
مش هيطرح إلا عاشق
في الغرام له ألف عين
الغرام في القلب ناشط
كل يوم يطرح حنين
مصر باقية مهما كانت
دمها يروي السنين
شمسها طلعت وبانت
مهما الكلاب تستعين
بالخراب أو مهما جابت
فجرها طالع متين
الدموع في عينينا طابت
مهما سال لو دم مين
،،،،،،،،(شعر)،،،،،،،،،،،،
عبد الله السايح
ليست هناك تعليقات:
إرسال تعليق