":":": حقنة هوا ":":":
مد إيدك ياما ناس في الدنيا دي محتاجة لينا
ياما ناس بتقابلهم يتمنوا حتى التحية
و لو بدأت بالسلام
يدوك عنيهم
حاجة حلوة بيدوهالك
كل مرة الإبتسامة هي هي
في الحقيقة
هما مش عاشقين جمالك
هما عرفوا معنى الإنسانية
بينوا النقص اللي فيك
أقل حضن منهم بيداريك
إبتسامة من عنيهم
الدفا اللي ما بين إديهم
بيعلمك إن العلاقة مش مصالح
أو تبعني و اشتريك
في الحقيقة
يا ما ناس في الدنيا دي بتقابلهم
يظهر العيب اللي فيك
مد إيدك
لأن فطرتك محتاجة ليهم
انت محتاج تبقى واحد مش أناني
مش كل حاجة خد و هات
فيه حاجات بدون مقابل
فية حاجات مولودة فيك
لما فرحوا يوم ولادتك
لما شافوا درجة حلوة في الشهادة
في الحقيقة هما مش عايزين عنيك
مهما كنت أغنى واحد
فيه حاجات صغيرة في الدنيا دي
بتعلمك معنى السعادة
ناس بتديك الدوا
ناس بتديك أكسجين علشان تكمل رحلتك
بيسلموا و بينقلوا الدم ليك
أمك و أبوك
أختك اللي لما بتنجرح من حد
بتسلم عليك و تحضنك و تبكي
و أنت فاكر إنها بتشتكيلك
من أخوك
في الحقيقة هي فاكرة إنك نسيتها
هي عايزة اللي يواسيها فتحضنك
صاحبك الزعلان من أمه
لما تلعب ماتش كورة
خنقته بتيجي فيك
هو مش قاصد أذية
هو عايز أي حجة عشان تضمه
هما عايزين طبطبة من أي حد
يمسح دمعهم
زي ما أنت محتاج قبلهم
يشفوك إنسان كويس و إبن ناس
يظهر الشيء اللي ضد
قانون الإحتباس
أي خيط بيعرف معنى الإنسانية
أي نقطة للتماس
قلب يحس معاك براحة
مفتوح بدون مشرط جراحة
عايزين يدوك الونس
و ياخدوا منك حضن يساع القلوب
عكس ناس جايز في لحظة بتقابلهم
تبقى محتاج الدوا
و كل ما تبان الحقيقة
تكتشف إن العلاج
عبارة عن
حقنة هــــــوا
الشاعر / تامر محمد
ليست هناك تعليقات:
إرسال تعليق