قبل ماتعاتبني بقلم الشاعره - صباح عبدالدايم ابوالنور 2/7/2017

قبل ماتعاتبني
**********
سنين وانت سايبني
وقلبك زايدة قساوته
كنت اكتر واحد فاهمني
شايلك قلبي غلاوته
عامل نفسك حاببني
وعلي رجوعي ملهوف
ولافكرت مرة تعاتب
ومن قسوتك مش مكسوف
راح فين يا حبيبي حبك
ولمين اديت الحنان
ياما كان قلبي جنبك
انت في القسوة فنان
وعامل نفسك ولاهمك
راح فين حب زمان
انت ف طبعك عجيب
لنفسك كنت الحبيب
قبل ماتيجي تعاتبني
شوف مين عليا قساك
اوعة تيجي تحاسبني
كداب اوي ف هواك
صباح عبدالدايم ابوالنور
2/7/2017